LURRAMA - La Ferme Pays Basque


« Lurrama- Euskal Herriko Baserria »bisitatzeko: 8000 m²ko eremu handi batean, baserriko kabalak, etxeko mozkinen merkatua baita ere hiru egunez animazioak Euskal Herriko laborantxaren ezagutzaren inguruan. Erakusketak, lehiaketak, haurren xokoan taller pedagogikoak antolatuak dira hiritar eta laborariak elgarretaratzeko helburu berarekin : kontsumitzaileen, naturaren eta kabalen errespetuan  laborantxa kudeatzea.

LURRAMA  2009k URAren lema hautatu du ura baita arrangura nagusienetarik. Gai hori aipatua izanen da saloin guzian eta bereziki Inguruamenaren eremuan, debate-konferentzietan eta haurren xokoan.

Azkenean Lurramarat jinen edo berriz jinen zirezte besta eta elkartasunaren giroa atxemaiteko, gastronomia ahantzi gabe ….Lurraman, ostatu bat zure beha dago : eguerdi guziz,tokiko menuak eskainiak dira, arratsetan bi « gau berezi » eta bururatzeko, igande eguerditan, sukaldari ezagunek prestaturik bazkari famatua !

Euskal herriko laborantzak kalitatezko irudia badu, egiazki kalitatezkoa delako da. Gure paisai, lurralde, gastronomia guzien ondasunak dira, eta laborari lanari, egiteko manereri lotua dira. Lurramak ehunka laguntzaileen lanari esker gomitatzen zaituzte hau denaren ikustera Glaineko Elkarteen etxerat !